Strooisuikerliefde (RLS Bundel)

Vars snaaks speels – liefdesverhale wat jou breër laat glimlag! Hierdie omnibus is ’n samestelling van vier RomanzaLiefde-novelles: Soos hout en konfetti Net in stories Gelukkige nommer 13 en Kersie bo-op. Soos hout en konfetti – Jacolet van den Berg Max is banger vir vroue en trou as die duiwel vir ’n slypsteen. Maar sy hart werk oortyd as hy Sandra Sinclair sien. Sy maak hom ongemaklik want hy weet: Sy mag dalk net sy ondergang beteken. Net in stories – Rika Cloete Altyd die strooimeisie nooit die bruid nie. Dít is Maddie Schoeman. Totdat sy een keer opkyk in ’n strooijonker Wynand Raath se mooi oë. Skielik is liefde nie net vir storieboeke bedoel nie maar ook vir haar. Gelukkige nommer 13 – Corné La Camera Hoeveel mislukte afsprake neem dit voor jy meneer perfek ontmoet? Ná twaalf wou Renate ’n ferm streep trek want die opsies van ’n spiertier tot ’n IT-nerd is maar yl. Maar dalk is dertien haar gelukkige nommer? Kersie bo-op – Bernette Bergenthuin Marcelle se lieflingtante skryf haar in om deel te neem aan die werklikheidsprogram Baas-van-die-plaas. Eers is sy woedend maar nadat sy Basjan Rademan ontmoet het moet sy erken dat haar tante dalk van beter weet.